biobio.ge
ქართულ სიმინდზე გაზრდილი
რეცეპტები
ქათმის ფრთები ცხარე სოუსში

ასე ამზადებენ ფრთებს ამერიკის შეერთებულ შტატებში! უფრო სწორედ, იქ შექმნეს პირველად, დღეს კი მთელს მსოფლიოში ამზადებენ. სიცხარის სასურველი დონე თავად განსაზღვრეთ, მაგრამ საზოგადოდ, ტობასკოს სოუსის 3-4 წვეთის ჩამატება სრულიად საკმარისია. სიცხარის მოყვარულთათვის კი შეგიძლიათ ეს სოუსი მაგიდასთან მიიტანოთ...

ქათმის ფრთები ცხარე სოუსში

ინგრედიენტები (4 ულუფა):

12 ცალი ფრთა

3 კბილი ნიორი

2 სმ ნედლი კოჭა (ჯანჯაფილი)

½ ჭიქა პომიდვრის წვენი

½ ჭიქა კარგი კეტჩუპი

¼ ჩ/კ ყავისფერი შაქარი

4 ს/კ ღვინის ძმარი

¼ ჩ/კ დაფქული ძირა

¼ ქარის სუნელი

2 ს/კ ზეითუნის ზეთი

ტობასკოს სოუსის რამოდენიმე წვეთი

მარილი და ახლადდაფქული პილპილი

 

მომზადების წესი:

  1. მარინადისთვის წვრილად გახეხეთ ნიორი და კოჭა (ჯანჯაფილი)
  2. შაქარი გახსენით ძმარში. აურიეთ ტომატის წვენი და კეტჩუპი, დაუმატეთ შაქრიანი ძმარი და ყვლა ინგრედიენტი ფრთების გარდა. ტობასკოს რაოდენობა იმის მიხედვით განსაზღვრეთ, რამდენად ცხარე გსურთ გამოვიდეს მარინადი.
  3. ჩაასხით მარინადი ჰერმეტულ კონტეინერში ან პაკეტში (ჰერმეტული შესაკრავით), ჩააწყვეთ ფრთები და კარგად აურიეთ, რომ მარინადით მთლიანად დაიფაროს ფრთები. დატოვეთ 1 საათით.
  4. გაახურეთ გრილი (ღუმელი 220გრადუსზე) ცხაურს მოუსვით ზეთი სილიკონის ფუნჯით.
  5. ამოიღეთ ფრთები მარინადიდან, მოათავსეთ ცხაურზე და აცხვეთ 20-15 წუთი. ხშირად გადააბრუნეთ და წაუსვით მარინადი.

ბიუ-ბიუ-ს პროდუქტები ამ რეცეპტისთვის:
ქათმის ფრთა გაყინული
biobio.ge