პენე ქათმით და ფეტათი

ინგრედიენტები (2ულუფა):

2 ცალი მკერდის ფილე, 

1 პატარა ხახვი, 

3-4 სმ კოჭა (ჯანჯაფილი), 

4 მარცვალი შავი პილპილი, 

მარილი, 

გოგრის სოუსი, 

300 გრამი გოგრა, 

1 ხახვი შალოტი, 

1 კბილი ნიორი, 

2 სმ კოჭა(ჯანჯაფილი), 

როზმარინის მცირე ღერო, 

50 მლ. მაღალცხიმიანი ნაღები,

კარაქი 50 მლ.,  

მშრალი თეთრი ღვინო, 

ცხარე წითელი წიწაკა, 

მარილი. 

მომზადების წესი: გაასუფთავეთ გოგრა, ხახვი და ნიორი. გოგრა და ხახვი კუბებად დაჭერით, ნიორი დაჭყლიტეთ კარაქი გააცხელეთ ტაფაზე და შებრაწეთ ხახვი, საშუალო ცეცხლზე 3 წუთით. დაუმატეთ გოგრა, ნიორი, როზმარინი, კოჭა(ჯანჯაფილი) და ცხარე წიწაკა.ამოურიეთ და შუშეთ 5-7 წუთი შემდეგ დაასხით ღვინო, მოაყარეთ მარილი, დაუწიეთ ცეცხლს მინიმუმამდე, თავზე დააფარეთ და შუშეთ 10 წუთი ამოიღეთ როზმარინის ღერო და გათქვიფეთ გოგრის მასა ნაღებთან ერთად ბლენდერში შალოტი ხახვი გაყავით 4 ნაწილად, კოჭა გაასუფთავეთ და მსხვილად დაჭერით ქათმის ფილეს მოაყარეთ მარილი, ჩადეთ ქვაბში და დაასხით მდუღარე წყალი ისე, რომ დაფაროს. საშუალო ცეცხლზე მიიყვანეთ ადუღებამდე. როგორც კი ადუღდება ქაფი მოხადეთ, დაუმატეთ ხახვი შალოტი, კოჭა და შავი პილპილის მარცლები. დაახურეთ ქვაბს თავზე და მინიმალურ ცეცხლზე ხარშეთ 2 წუთი. გადმოდგით ქვაბი ცეცხლიდან და დატოვეთ 15 წუთი, თავსახური არ მოხადოთ. ამოიღეთ ფილე ბულიონიდან და მაშინვე ჩადეთ ყინულიანი წყლით სავსე ჯამში. როცა გაცივდება ამოიღეთ, შეაშრეთ და დაჭერით თხელ ნაჭრებად. მიირთვით გოგრის სოუსთან ერთად!

ინგრედიენტები (4-6ულუფა): 

1 ქათამი 1.2 - 1.5 კგ, 

2 დიდი ლიმონი, 

3 ღერო როზმარინი, 

10 ფოთოლი შალფეი (მშრალი ფოთლები შეგიძლიათ ნებისმიერ აფთიაქში შეიძინოთ), 

3 ფოთოლი დაფნა, 

ზეითუნის ზეთი ექსტრა ვირჯინი ნივრიანი საკმაზისთვის, 

5 დიდი კბილი ნიორი, 

7 ღერო ბეგქონდარა (შეგიძლიათ ჩაანაცვლოთ ქონდრით), 

1 ლიმონის ცედრა, მსხვილი მარილი, 

1.5-2 ს/კ ზეითუნის ზეთი ექსტრა ვირჯინი. 

მომზადების წესი: გაასუფთავეთ ნიორი. გახეხეთ 1 ლიმონის ცედრა. როზმარინს გააცალეთ ღერო. ლიმონი დაჭერით მრგვალად. მოამზადეთ ნივრის საკმაზი. ამისთვის დანაყეთ ნიორი მარილთან ერთად. წყვეთ-წვეთობით ჩაამატეთ სანაყში ზეითუნის ზეთი, თან გააგრძელეთ ნაყვა რომ მიიღოთ ფაფისებური მასა. დაუმატეთ ბეგქონდარას ფოთლები,და ცედრა და ამოურიეთ. ქათამს ააცილეთ კანი ფრთხილად ხელით ან დანის ბლაგვი პირით. ნივრის საკმაზი კანქვეშ წაუსვით, შემდეგ შიგნიდანაც ამოუსვით და დატოვეთ ქათამი 30 წუთით გაახურეთ ღუმელი 180 გრადუსზე ქათამს გადაუსვით ზეითუნის ზეთი, მოათავსეთ შესაწვავ ფორმაში, ზემოდან დაადეთ შალფეის ფოთლები, როზმარინი და ლიმონის რგოლები. ჩაუდეთ დაფნის ფოთლები. შეწვით ქათამი დაახლოებით 90 წუთი, სანამ ბოლომდე არ მომზადდება.

ინგრედიენტები:

• 1.5 კილოიანი ქათამი
• მარილი
• წიწაკა
• პაპრიკა

ბაჟესთვის:

• 500 გრ. ნიგოზი
• ქინძი
• 3-4 კბილი ნიორი
• 800 გრ. ბროწეული (გარჩეული მარცვლები)
• 400 მლ. ცივი წყალი
• ხმელი ქინძი / უცხო სუნელი
• მარილი / წითელი წიწაკა

მომზადების წესი:

1. ქათამს მოაყარეთ სანელებლები, კარგად გადაანაწილეთ და შედგით ღუმელში 200 გრადუსზე 1 საათი.
2. ნიგოზი, ქინძი და ნიორი გაატარეთ, ბროწეული წყალთან ერთად დააბლენდერეთ და გადაწურეთ. 
3. ნიგვზის მასას დაუმატეთ მარილი და წიწაკა, სანელებლები, დაასხით ბროწეულის წვენი, გადაურიეთ, დააბლენდერეთ და ბაჟეც მზადაა.
4. დაასხით ბაჟე თეფშზე და მოათავსეთ მასში დაბრაწული ქათმის ნაჭრები.

გემრიელად მიირთვით!