ქართულ ყანებში მოყვანილი სიმინდი და ხორბალი ჩვენს თანამედროვე საშრობ ქარხანაში შრება. უპირველეს ყოვლისა, ლაბორატორიულად მოწმდება ნედლეულის ხარისხი და მხოლოდ იმ შემთხვევაში მიიღება, თუკი წარმატებით გაივლის შემოწმებას და აკმაყოფილებს უმაღლესი ხარისხის სტანდარტებს. 
ამის შემდგომ, მარცვლეული გადადის საშრობში, სადაც ის ტენიანობის სასურველ მაჩვენებლამდე გამოშრება. გამშრალი ნედლეული გადადის სასაწყობე სილოსებში, სადაც ნედლეულის შენახვის პირობების დაცვის მიზნით, მისი მუდმივი, 24-საათიანი, მონიტორინგი მიმდინარეობს.

საქართველოში ყველაზე მასშტაბური საშრობი და სასაწყობე კომპლექსი კომპანიამ ბრიტანელ პარტნიორთან კომპანია Chief Industries-თან ერთად ააშენა.

Chief Industries უკვე 40 წელია აგროინდუსტრიულ სამშენებლო სექტორში მოღვაწეობს და მსოფლიოში მარცვლეულის საშრობი და შესანახი კომპლექსების მშენებლობაში დღეს ის ერთ-ერთი ლიდერი კომპანიაა.