რეცეპტები

ინგრედიენტები:                    

ქათმის თეძო-ბარკალი   2ც;       

ნიორი   10გ;       

ტიმიანი   8გ;       

დაფნის ფოთოლი   5გ;       

მზესუმზირის ზეთი   450მლ;       

ზეითუნის ზეთი   50მლ;

სტაფილო   120გ;       

ბოლოკი   120გ;       

ხახვი   120გ;       

სატაცური   120გ;       

ქათმის ბულიონის ფხვნილი   15გ;       

მარილი   10გ.      

მომზადების წესი: ქათმის თეძო-ბარკალი დაამუშავეთ, მოათავსეთ მარილ წყალში და დააყოვნეთ მინიმუმ 20 წთ-ის განმავლობაში. ღუმელი გაახურეთ 170 გრადუსზე. ღრმა, თერმოგამძლე ჭუჭელში მოათავსეთ დამუშავებული თეძო ბარკალი, მასთან ერთად ჭურჭელში ჩაუშვით დაჭყლეტილი ნიორი, დაფნის ფოთოლი, ტიმიანი, დაასხით ზეითუნის და მზესუმზირის ზეთი თავზე გადააფარეთ ფოლგირებული ქაღალდი, დანით ოდნავ ჩახვრიტეთ ალაგ-ალაგ და შეუშვით მოსამზადებლად გახურბულ ღუმელში 2 სთ-ის განმავლობაში. დაჭერითბოსტნეული სასურველ, ერთი ზომის ფორმებზე, შეაზილეთ ზეითუნის ზეთი, ტიმიანი, მარილი და პილპილი. საცხობ ფირფიტაზე დააფინეთ პერგამენტის ქაღალდი, ზევიდან განათავსეთ ბოსტნეული და გამოაცხეთ 140 გრადუსზე 30 წთ-ის განმავლობაში. ქათმის თეძო-ბარკალი და ბოსტნეული, რომ გამზადდება გადაიტანეთ სასურველ ჭურჭელზე და გემრიელად მიირთვით.

ინგრედიენტები:                    

ქათმის კისერი   200გ,       

ფქვილი   100გ,       

სიმინდის სახამებელი   50გ,       

კვერცხი   1ც,       

წყალი   50გ,       

ნივრის ფხვნილი   10გ,       

ჯინჯერის ფხვნილი   10გ,       

კუმინი   8გ,       

მწვანე ხახვი   10გ,       

ლაიმი   20გ,       

ქინძი   10გ,       

ხალაპენიო   8გ.              

მომზადების წესი: ფქვილით, სიმინდის სახამებლით, კვერცხით, სუნელებით და წყლით გააკეთეთ თხელი ცომი ( მშრალი ინგრედიენტები კარგად გახსენით თხევადში), დააყოვნეთ ცოტახნიტ, რათა გემოები გაუჯდეს. ქათმის კისერი დაამუშავეთ, მოაშორეთ ზედმერი ცხიმი. გაამზადეთ ქვაბში ზეთი და გააცხელეთ 160 გრადუსზე. დამუშავებული ქათმის კისერი ამოავლეთ ცომში და ბრთხილად ჩაუშვით ზეთში , დააცადეთ მომზადება 7-8 წუთის განმავლობაში და მომზადების შემდეგ გადაიტანეთ ქაღალდზე რათა ზედმეტი ზეთი მოშორდეს. კერძი გადაიტანეთ სასურველ ჭურჭელზე, მოაყარეთ მწვანე ხახვი, ხალაპენიო, მოაწურეთ ლაიმი გემოვნებით და გემრიელად მიირთვით.

ინგრედიენტები:                    

ქათმის ფილე   200გ,       

საფანელი   400გ,       

ფქვილი   400გ,       

კვერცხი   2ც,       

მდოგვის პუდრა   8გ,       

ჯინჯერის პუდრა   8გ,      

მარილი   8გ,       პილპილი   6გ,       

ლიმონი   70გ,       

კამა   10გ.    

მომზადების წესი: ქათმის ფილე გაჭერით შუაზე, მოათავსეთ დაფაზე, გადააფარეთ პლასტიკი და დაბეგვეთ ნაზად (ისე, რომ არ გაიხეს ხორცი). დაბეგვილი ქათმის ფილე მოათავსეთ მარილ წყალში და დააყოვნეთ სულ ცოტა 20 წუთის განმავლობაში პარალელურად მოიმზადეთ პანირებისთვის ინგრედიენტები: ერთ ჯამში საფანელი, რომელშიც უნდა შეურიოთ ყველა მშრალი ინგრედიენტები ½ (სუნელები,გრამაჟში მითითებული რაოდენობების მიხედვით) და მარილი, მეორეში ჯამში მოათავსეთ ფქვილი და შეურიეთ დარჩენილი მშრალი ინგრედიენტები, მესამეში ჩაუშვით კვერცხი, მარილი და კარგად ათქვიფეთ. ხორცის დაყოვნების შემდეგ გაუკეთეთ თანმიმდევრული პანიერბა (კვერცხი, ფქვილი, კვერცხი, საფანელი) 160 გრადუსზე გააცხელეთ ზეთი ქვაბში. ქვაბში ჩაუშვით შნიცელი და მოამზადეთ 5-6 წუთის განმავლობაში. მომზადებული შნიცელი გადაიტანეთ სასურველ ჭურჭელზე, მოაყარეთ ქინძი (ან ნებისმიერი მწვანილი, სურვილის მიხედვით), მოაწურეთ ლიმონი გემოვნებით და გემრიელად მიირთვით.

ინგრედიენტები:                   

ქათმის ღვიძლი   400გ,       

კარაქი   200გ,       

მზესუმზირის ზეთი   40მლ,       

სტაფილო   70გ,       

ხახვი   70გ,       

ნაღები   70მლ,       

ფორთოხალი   100გ,       

ქინძი   20გ,       

ჩაბატა   120გ.   

მომზადების წესი: ხახვი და სტაფილო მოათავსეთ ქვაბში დაასხით წყალი ისე, რომ დაიფაროს და მოხარშეთ (ხარშეთ დაახლოებით 15 წთ-ის განმავლობაში), მოხარშვის შემდეგ გადაიტანეთ გრილ ჭურჭელში ბულიონიანად, რომ გაგრილდეს. ტაფა გაახურეთ დაასხით ზეთი და 50გ კარაქი, ჩაუშვით ქათმის გულ გვიძლი, დააყარეთ მარილი გემოვნებით, შებრაცვამდე 1 წუთით ადრე მოაწურეთ 40მლ ფორთოხლის წვენი და 1 წუთის შემდეგ გადაიტანეთ გრილ ჭურჭელში, რათა ღვიძლიც გაგრილდეს. ბოსტნეულის და ბულიონის მასა, რომ გაგრილდება, ბოსტნეული გადაიტანეთ მაღალდ/ღრმა ჭურჭელში, საჭიროების მიხედვით დაამატეთ ბულიონი (ისე, რომ მიიღოთ სქელი სოუსის კონსისტენციის მასა) და ხელის ბლენდერით დააბლენდერეთ. ღრმა ჯამში მოათავსეთ ქათმის ღვიძლი, დაასხით ბოსტნეულის და ბულიონის მასა და ერთად დაბლენდერეთ ისე, რომ კარგად გაიხნას ერთმანეთში. მომზადებულ მასას დაამატეთ ფორთოხლის წვენი 60მლ, ნაღები, მარილი გემოვნებით და მარიზით გადაურიეთ ეთმანეთში. მომზადებული ქათმის ღვიძლის პაშტეტი გადაიტანეთ სასურველ ჭურჭელში თავზე დააფარეთ და შეინახეთ მაცივარში 30 წთ-ის განმავლობაში პარალელურად ოთახის ტემპერატურაზე მყოპ კარაქს გადაურიეთ ქინძი, მარილი გემოვნებით, ფორთოხლის ცედრა სურვილის მიხედვით, დაბალ ცეცხლთან დაიჭირეთ(არ დადგათ გაზქურაზე) სწრაფი მორევით ოდნავ შეალგვეთ. გაციებული პაშტეტი გამოიღეთ მაცივრიდან ზევიდან დაასხით სასურველი რაოდენიბუს მომზადებული კარაქი, თავზე დაახურეთ და ისევ შეინახეთ მაცივარში 30 წუთის განმავლობაში (პაშტეტის შენახვა რეკომენდირებულია 3 დღის განმავლობაში). გახუხეთ ჩაბატა (შეგიძლიათ გამოიყენოთ მორჩენილი კარაქი ქინძით და ფორთოხლის ცედრით.გაციებული კერძი გამოიღეთ მაცივრიდან გადაუსვით ბრუსკეტას და გემრიელად მიირთვით.

ინგრედიენტები:                   

ბულიონის ნაკრები   1შეკვრა,       

ხახვი   120გ,       

ბარდა   60გ,       

სტაფილო   120გ,      

ნიორი   6გ,       

კარაქი   30გ,       

ფქვილი   45გ,       

რძე   500მლ,       

ქათმის ფილე   350გ,       

პასტა (მაკარონი)   250გ,       

მარილი   15გ.    

მომზადების წესი: დაბალ ცეცხლზე 40 წუთის განმავლობაში დაადგით ბულიონი (ქვაბში ჩაუშვით ბულიონის ნაკრები, ხახვი, დაჭყლეტილი ნიორი, სტაფილოს გარეცხილი კანი და დაასხით წყალი ისე, რომ პროდუქტი კარგად დაფაროს). ქვაბში ჩაუშვით შჯუაზე გაჭრილი ქათმის ფილე დაასხით მარილ-წყალი, გააჩერეთ 30 წუთის განმავლობაში სიცივეში და შემდეგ მოხარშეთ 10 წუთის განმავლობში. ტაფაზე მოხალეთ ფქვილი ოქროსფრამდე, დაასხით გამღვალი კარაქი, აურიეთ ერთმანეთში (რუ(კარგად შერევის შემდეგ გადმოდგით ცეცხლიდან)). გამზადებული ბულიონი გადაწურეთ, გადაწურულ სითხეში ჩაამატეთ რძე, დაადგით საშვალო დონის ცეცხლზე, წამოდუღების შემდეგ სწრაფ მორევის პარალელურად ჩაამატეთ ფქვილის და კარაქის მასა (რუ) და შეასქელეთ ბულიონი. წვნიანის მომზადების პარალელურად მოხარშეთ პასტა (ფუსილი). წვრილ სლაისებად დაჭრილი სტაფილო, ბარდა, პასტა (ფუსილი) და მოხარშული და თხლად დაჭრილი ქათამი ჩაუშვით სასურველ ჭურჭელში და ზემოდან დაასხით ბულიონის მასა. წვნიანი მზად არის, გადაიტანეთ სასურველ ჭურელში და გემრიელად მიირთვით.

ინგრედიენტები (6 ულუფა):

BBQ სოუსი,                                

ქათმის ფილე   200გ,         

კეჩუპი   200გ,       

კვერცხი   2ც,         

ფორთოხლის წვენი   50მლ,       

ფქვილი   60გ,         

თაფლი   15გ,       

სიმინდის სახამებელი   50გ,         

შაქარი   20გ,       

მდოგვის პუდრა   8გ,         

პაპრიკა   10გ,       

მარილი   6გ,         

მარილი   6გ,       

პილპილი   5გ,         

სიმინდის სახამებელი   4გ,       

ნიორის პუდრა   6გ,         

წყალი   20გ,       

პაპრიკა   10გ,                   

წყალი   55მლ.               

მომზადების წესი: ქათმის ნაგეცი ფქვილით, სიმინდის სახამებლით, კვერცხით, სუნელებით და წყლით გააკეთეთ თხელი ცომი ( მშრალი ინგრედიენტები კარგად გახსენით თხევადში), დააყოვნეთ ცოტახნიტ, რათა გემოები გაუჯდეს. ქათმის ფილე დაჭერით მრგვალ თხელ ნაჭრებად. გაამზადეთ ქვაბში ზეთი და გააცხელეთ 160 გრადუსზე. დაჭრილი ქათმის ფილე ამოავლეთ ცომში და ბრთხილად ჩაუშვით ზეთში , დააცადეთ მომზადება 6-7 წუთის განმავლობაში და მომზადების შემდეგ გადაიტანეთ ქაღალდზე რათა ზედმეტი ზეთი მოშორდეს. BBQ სოუსი ქვაბში აადუღეთ წყალი, ადუღების შემდეგ დაამატეთ შაქარი და დაბალ ცეცხლზე მოამზადეთ შაქრის სიროფი. სიროფის გამზადების შემდეგ დაამატეთ კეჩუპი, ფორთოხლის წვენი, თაფლი და მშრალი ინგრედიენტები მასა ადუღეთ დაბალ ცეცხლზე 30 წუთის განმავლობაში. დუღილის შემდეგ დაამატეთ წყალში გახსნილი სიმინდის სახამებელი და კარგად გახსენით მასაში. სოუსი და ნაგეცი მოათავსეთ სასურველ ჭურჭელში, გემრიელად მიირთვით.

ინგრედიენტები (6ულუფა):

რანჩ სოუსი, 

ქათმის ფილე   200გ,

კვერცხი   2ც, 

პანკო   400გ, 

მზესუმზირის ზეთი   50მლ,       

მდოგვი   20გ, 

ფქვილი   400გ,

ლიმონი   8მლ, 

მარილი   8გ,  

არაჟანი   30გ,

პილპილი   6გ,         

კამა   10გ,       

პაპრიკა   10გ,         

მარილი   6გ,       

ნიორის პუდრა   8გ,         

ნივრის პუდრა   6გ,       

მზესუმზირის ზეთი   500მლ.               

მომზადების წესი: ქათმის ფილე დაჭერით პატარა კუბებად. მოამზადეთ სამი ჯამი, ერთში მოათავსეთ კვერცხი (4გ მარილი, 3გ პილპილი, 5გ პაპრიკა, 4 გ ნიორის ფხვნილი), მეორეში პანკო და მესმეში ფქვილი (ფქვილში შეურიეთ დარჩენილი სუნელები). გაუკეთეთ კუბებად დაჭრილ ქათმის ფილეს პანირება თანმიმდევრულად (ფქვილი, კვერცხი, ფქვილი, კვერცხი, პანკო). ქვაბში ჩაასხით ზეთი, გააცხელეთ 160 გრადუსზე და ჩაუშვით გამზადებული ქათმის პოპკორნი 6-7 წუთის განმავლობაში. მომზადების დასრულების შემდეგ, დასერვირებამდე გადაიტანეთ ქაღალდზე, რომ ზედმეტი ზეთი მოშორდეს.რანჩ სოუსი კვერცხის გული 3გ მარილთან, მდოგვთან და ლიმონის წვენთან ერთად ათქვიფეთ. კვერცხის მასა გადაიტანეთ მაღალ ჭურჭელში და ბლენდერის სწრაფი მორევის პარალელურად ნელ-ნელა შეიყვანეთ ზეთი კარგად შესქელებამდე. მაიონეზის მასა გადაიტანეთ ჯამში, შეურიეთ არაჟანი, ნივრის პუდრა და დაკეპილი კამა. სოუსი და ქათმის პოპკორნი მოათავსეთ სასურველ ჭურჭელში, გემრიელად მიირთვით.

ინგრედიენტები (6ულუფა):

1კგ ფარშირებული ქათმის ხორცი,

4-5 ნაწერი თეთრი პური,

½ ჭიქა რძე,

2 ს/კ მაღალცხიმიანი ნაღები,

2 კვერცხი,

70 გრამი კარაქი,

1 ჭიქა საფანელი,

ერბო,

მარილი, 

პილპილი.

მომზადების წესი:​ ქათმის ხორცი გაატარეთ ხორცსაკეპმანქანაში პური ჩაალბეთ რძეში და გაწურეთ პური დაუმატეთ ფარშს, იქვე დაუმატეთ დარბილებული კარაქი და ნაღები. კარგად ამოურიეთ, ჩააყარეთ მარილი და პილპილი. კიდევ ერთხელ ამოურიეთ. ფარში უნდა იყოს რბილი, მაგრამ წვენი არ უნდა გასდიოდეს, რომ კატლეტის ფორმა მიიღოს ჯამში გათქვიფეთ კვერცხი, ცალკე თეფშზე დაყარეთ საფანელი ფარში გაყავით რამდენიმე ნაწილად და სველი ხელით მიეცით ოვალური კატლეტების ფორმა. ამოავლეთ კატლეტები კვერცხში, შემდეგ საფანელში. გააცხელეთ ტაფაზე ერბო 1 სმ სიმაღლეზე, და ყველა მხრიდან შეწვით კატლეტი საშუალო ცეცხლზე გაოქროსფერებამდე. შემდეგ დაუწიეთ ცეცხლს, დააფარეთ ტაფას თავზე და კიდევ 5-7 წუთი წვით.

ინგრედიენტები (2ულუფა):

1 კგ კისერი, 

3 კბილი ნიორი,

2 სმ ნედლი კოჭა (ჯანჯაფილი),

½ ჭიქა პომიდვრის წვენი,

½ კარგი კეტჩუპი,

¼ ჩ/კ შაქარი,

4 ს/კ ღვინის ძმარი,

¼ ჩ/კ დაფქული ძირა,

¼ ქარის სუნელი,

2 ს/კ ზეითუნის ზეთი,

ტობასკოს სოუსის რამოდენიმე წვეთი,

მარილი, 

ახლად დაფქული პილპილი.

მომზადების წესი: მარინადისთვის წვრილად გახეხეთ ნიორი და კოჭა შაქარი გახსენით ძმარში. აურიეთ ტომატის წვენი და კეტჩუპი, დაუმატეთ შაქრიანი ძმარი და ყვლა ინგრედიენტი კისრებისგარდა. ტობასკოს რაოდენობა იმის მიხედვით განსაზღვრეთ რამდენად ცხარე გსურთ გამოვიდეს მარინადი. ჩაასხით მარინადი ჰერმეტულ კონტეინერში ან პაკეტში (ჰერმეტული შესაკრავით), ჩააწყვეთ კისრებიდა კარგად აურიეთ, რომ მარინადით მთლიანად დაიფაროს კისრები. დატოვეთ 1 საათით. გაახურეთ ღუმელი 220გრადუსზე, ღუმელის ტაფაზე მოათავსეთ საცხობი ქაღალდი და მოუსვით ზეთი სილიკონის ფუნჯით. ამოიღეთ კისრებიმარინადიდან, მოათავსეთ ტაფაზე და აცხვეთ 20-15 წუთი. დროდადრო გადააბრუნეთ და წაუსვით მარინადი. სუფრასთან მიიტანეთ ცხელი.

ინგრედიენტები (2ულუფა): 

1 კგ კისერი, 

400 მლ რძე, 

2 ჭიქა ფქვილი, 

1 ჩაის კოვზი ორეგანო, 

1 ჩ/კ კოვზი ნივრის ფხვნილი, 

1 ჩ/კ ხახვის ფხვნილი, 

½ ჩ/კ მწარე წითელი წიწაკა (ჩილი), 

1 ჩ/კ შავი პილპილი, 

2 ჩ/კ მარილი, 

2 ს/კ პაპრიკა, 

2 კვერცხი, 

ზეთი შესაწვავად.

მომზადების წესი: კისრებს სურვილისამებრ გააცალეთ კანი, დაასხით ნახევარი რძე და შედგით მაცივარში 2 საათით. ჯამში აურიეთ ფქვილი და სუნელები მეორე ჯამში გათქვიფეთ კვერცხი და დარჩენილი რძე კისრები გამოიღეთ მაცივრიდან და მოათავსეთ რძისა და კვერცხის მასაში პარალელურად ქვაბში ჩაასხით ზეთი ისე, რომ კისრებს რომ ჩააწყობთ დაფაროს, და დადგით საშუალო ცეცხლზე რომ ზეთი გახურდეს. ამასთან ერთად გაახურეთ ღუმელი 120 გრადუსზე. (ღუმელის ტაფას დააფარეთ საცხობი ქაღალდი) კისრები ამოიღეთ რძისა და კვერცხის მიქსტურიდან და ამოავლეთ ფქვილიან მასაში. სურვილისამებრ შეგიძლიათ ეს პროცედურა გაიმეოროთ (კისრები თავიდან მოათავსოთ რძესა და კვერცხში და შემდეგ ფქვილში). ჩამოფერთხეთ ზედმეტი ფქვილი. ცხელ ზეთში (სასურველია გამოიყენოთ თერმომეტრი, ზეთის ტემპერატურა უნდა იყოს 180 გრადუსი) ფრთხილად მოათავსეთ კისრები (ერთდროულად ყველას ნუ შეწვავთ, ნაჭრებს შორის უნდა იყოს სივრცე) ბრაწეთ სანამ კარგად გაყავისფრდება, დაახლოებით 5 წუთი. შემდეგ გადაიტანეთ სამზარეულოს ქაღალდის ხელსახოცზე, რათა ზედმეტი ცხიმისგან დაიწრიტოს. ამის შემდეგ გადაიტანეთ ღუმელის ტაფაზე და შედგით ღუმელში, რომ თბილად იყოს სანამ ყველა კისერს შებრაწავთ. გააფორმეთ ლიმონის ნაჭრებითა და მწვანე ხახვით, მიირთვით ცხელი.

ინგრედიენტები (2ულუფა): 

2 ცალი ფილე (თითო 180-200 გრამი), 

400 გრამი კონსერვის თეთრი ლობიო, 

1 ღერო პრასა (თეთრი ნაწილი),

 6-8 ჩერი პომიდორი, 

4-6 ნაჭერი ლორი (ან კარგი ხარისხის ხორციანი ბეკონი), 

2 ღერი როზმარინი (ან 1 ჩ/კ ხმელი როზმარინი), 

ზეითუნის ზეთი ექსტრა ვირჯინი, 

მარილი, 

ახლად დაფქული შავი პილპილი.

მომზადების წესი: გაახურეთ ღუმელი 180 გრადუსზე აიღეთ ფოლგის ორი ნაჭერი 20 სმ სიგრძის. დაადეთ ერთი მეორეზე, გაკეცეთ შუაზე, ორივე მხრიდან ამოუკეცეთ გვერდები. უნდა გამოგივიდეთ ფოლგის პაკეტი. გააკეთეთ კიდევ ერთი ასეთი პაკეტი. პრასი სიგრზეზე გაჭერით და კარგად გარეცხეთ, შეაშრეთ და წვრილად დაჭერით. პომიდვრები შუაზე გაჭერით, ლობიოს გადაავლეთ წყალი და დაწურეთ გააცხელეთ ტაფაზე ზეთი და შებრაწეთ პრასი სანამ გამჭვირვალე არ გახდება, დაახლოებით 5 წუთი დაუმატეთ პრასს პომიდორი და ლობიო. ამოურიეთ, მოაყარეთ მარილი და წიწაკა და გადმოდგით ცეცხლიდან გაახვიეთ მკერდის ფილეები ლორში ან ბეკონში თითოეულ პაკეტში გადაანაწილეთ პომიდორი და ლობიო, თითო ფილე და როზმარინი. სურვილისამებრ დაუმატეთ ცოტა ზეითუნის ზეთი. ორივე პაკეტს კარგად მოუკარით თავი, რომ წვენი არ გამოვიდეს და მოათავსეთ ღუმელის ტაფაზე შედგით გახურებულ ღუმელში და ბრაწეთ დაახლოებით 20 წუთი. მიირთვით მაშინვე. 

ინგრედიენტები (4ულუფა): 

4 ცალი ქათმის მკერდის ფილე (თითო 200 გრამამდე), 

მარილი და შავი წიწაკა, 

2 ს/კ ზეითუნის ზეთი სოუსისთვის, 

1 შალოტი ხახვი, 

1 კბილი ნიორი, 

1 ს/კ ფქვილი, 

1 ჭიქა პორტვეინი, 

1,5 ჭიქა ქათმის ბულიონი, 

1 ს/კ ქორფა ოხრახუში, 

2 ს/კ კარაქი.

მომზადების წესი: შეკმაზეთ ქათმის ფილეები მარილით და პილპილით. ტაფაზე დაასხით ზეითუნის ზეთი საშუალო-მაღალ ცეცხლზე და რომ გაცხელდება დაალაგეთ ქათმის ნაჭრები კანით ქვემოთ და შებრაწეთ 5 წუთით თითო მხარეს, ანუ სანამ მომზადდება. გადაიტანეთ თეფშზე და დაასვენეთ სანამ სოუსს მოამზადებთ. შალოტი ხახვი წვრილად დაჭერით ხოლო ნიორი დაჭყლიტეთ. ხახვიდა მწიკვი მარილიმოათავსეთ ტაფაზე, დაუწიეთ ცეცხლს საშუალო-დაბალზე და დაუმატეთ ნიორი და ფქვილი. მოამზადეთ 3 წუთის მანძილზე, მუდმივად ურიეთ. ფრთხილად ჩაასხით ღვინო, ცეცხლს აუწიეთ მაღალზე, და შუშეთ 2 წუთი, დაასხით ბულიონი და კიდევ შუშეთ სანამ სოუსი გასქელდება, ანუ 3-4 წუთი. დაუწიეთ ცეცხლს და ჩააბრუნეთ ქათამი სოუსში. კარგად ამოავლეთ ქათამი სოუსში და დატოვეთ ცეცლხზე სანამ გაცხელდება, რამდენიმე წუთით. გადაიტანეთ ფილეები თეფშებზე. დაჭერით ოხრახუში წვრილად ხოლო კარაქი კუბებად.გამორთულ ცეცხლზე ტაფაში ჩაამატეთ ოხრახუში და კარაქი და ათქვიფეთ სანამ ერთიან სოუსად იქცევა. შემდეგ შეკმაზეთ მარილითა და წიწაკით თუ საჭიროა და მოასხით ქათმის ფილეებს. მიირთვით ცხელი.

ინგრედიენტები (6ულუფა): 

6 ცალი ბარკლის ძირი, 

100 გრ მომჟავო გარგრის ჩირი, 

1 ს/კ გარგრის ჯემი, 

1 ჩ/კ მდოგვის მარცვალი, 

1/2 ჩ/კ ქარის სუნელი, 

მარილი, 

ახლად დაფქული შავი წიწაკა, 

ზეითუნის ზეთი ექსტრა ვირჯინი, 

მწვანე სალათი მისართმევად.

მომზადების წესი: ჩაალბეთ გარგრის ჩირი ცხელ წყალში 30 წუთით გააცალეთ ძვალი ბარკლის ძირებს საჭრელ დაფაზე მოათავსეთ შესაფუთი ცელოფანი, მასზე დადეთ ხორცის ნაჭრები, ზემოდანაც დააფარეთ ცელოფანი და ფრთხილად დაბეგვეთ ხორცი, ისე, რომ არ გაიხეს. მოაშორეთ ცელოფანი, მოაყარეთ ხორცს მარილი და პილპილი ბლენდერში გათქვიფეთ გარგრის ჩირი,დაუმატეთ ქარი, მდოგვი და ჯემი ბარკლის ძირებს შიგნითა მხრიდან წაუსვით გარგრის მასა, გადაახვიეთ რულეტად და შეკარით კბილის ჩხირებით ტაფაზე გააცხელეთ ზეითუნის ზეთი და შებრაწეთ რულეტები საშუალო ცეცხლზე ყველა მხრიდან შემდეგ დაუწიეთ ცეცხლს, დააფარეთ თავზე და გააგრძელეთ შეწვა 10-15 წუთი, პერიოდულად აბრუნეთ, სანამ არ მომზადდება. სუფრასთან მიიტანეთ ცხელი რულეტები სალათის ფურცლებთან ერთად.

ინგრედიენტები (4ულუფა): 

500 გრამი ქათმის მკერდის ფილე, 

2 ს/კ ზეითუნის ზეთი, 

6-8 ღერო მწვანე ხახვი, 

1 ჭიქა ყველი ფეტა, 

500 გრამი პენე, 

მარილი და პილპილი გემოვნებით.

მომზადების წესი: გააცხელეთ ზეითუნის ზეთი სქელძირიან ტაფაზე. დაუმატეთ მოგრძო ლუკმებად დაჭრილი ქათმის მკერდის ფილე, და საშუალო ცეცხლზე ბრაწეთ დაახლოებით 5-8 წუთი, სანამ ქათამი გაოქროსფერდება და მომზადდება. ხშირად ურიეთ. დაუმატეთ მწვანე ხახვი, შუშეთ 2 წუთი.გადმოდგით ცეცხლიდან,დაუმატეთ კუბებად დაჭრილი ფეტა, მოაყარეთ მარილი და პილპილი და ამოურიეთ. ამასობაში მოხარშეთ პასტა: სქელძირიან ქვაბში აადუღეთ წყალი და დაუმატეთ მარილი. ჩაყარეთ პენე, და ადუღებიდან 8-10 წუთი ხარშეთ. (პენეს შეფუთვაზე აწერია მომზადების დრო). პენე არ უნდა იყოს გადახარშული. გადაწურეთ და გადაიტანეთ დიდ ჯამში. მოათავსეთ ქათმის მიქსი პენეზე, მსუბუქად ამოურიეთ, მორთეთ ცოცხალი მწვანე ხახვით და მიირთვით მაშინვე.

ინგრედიენტები (4ულუფა): 

4 ქათმის ფილე მსუბუქად დაბეგვილი (1,5 სმ სისქეზე), 

1 ს/კ კარაქი, 

1 ს/კ ზეითუნის ზეთი, 

მარილი,

ახლად დაფქული შავი წიწაკა, 

½ ჭიქა ქათმის ბულიონი, 

2/3 ჭიქა მაღალცხიმიანი ნაღები (35%+), 

2 ს/კ მდოგვი, 

2 ს/კ ქორფა ოხრახუში, წვრილად დაჭრილი.

მომზადების წესი: ტაფაზე გააცხელეთ კარაქი და ზეთი, საშუალო-მაღალ ცეცხლზე. ქათმის ფილე კარგად შეკმაზეთ მარილით და შავი წიწაკით, და 5 წუთით შებრაწეთ თითო მხარეს. ბოლომდე რომ შეიწვება გადმოიტანეთ თეფშზე, დააფარეთ ალუმინის ფურცელი. დაასხით ტაფაზე ქათმის ბულიონი, დაუმატეთ ნაღები, მდოგვი და ოხრახუში. დაახლოებით 3 წუთი ურიეთ საშუალო ცეცხლზე, სანამ სოუსი გასქელდება. მოასხით სოუსი ქათამს და მიირთვით თბილი. 

ინგრედიენტები (6ულუფა): 

400 გრ ქათმის ფილე (გნებავთ თეთრი, გნებავთ მუქი ხორცი), 

1 დიდი თავი ხახვი, 

1 პატარა ყაბაყი, 

5-6 ქამა სოკო, 

300 გრ. ნებისმიერი მაგარი ყველი (ემენტალერი, პარმეზანი), 

ნაღების კარაქი, 

1/3 ჩ/კ გახეხილი მუსკატი, 

მარილი, 

პილპილი, 

ბეშამელის სოუსი, 

500 მლ რძე, 

50 გრ. ნაღების კარაქი, 

50 გრ. ფქვილი, 

მწიკვი გახეხილი მუსკატი, 

მარილი, 

პილპილი.

მომზადების წესი: ყაბაყს მოაცილეთ კანი, და თუ აუცილებელია თესლიც. დაჭერით წვრილად, მოაყარეთ ცოტა მარილი და დადეთ საწურზე 10 წთ. შემდეგ ხელის მოჭერით გაწურეთ რომ ზედმეტი წვენი გაუვიდეს ქათმის ხორცი დაჭერით ძალიან პატარა ნაჭრებად ხახვი გაასუფთავეთ და წვრილად დაჭერით სოკო თხლად დაჭერით. კარაქი გააცხელეთ ტაფაზე და შებრაწეთ ქათმის ნაჭრები საშუალო ცეცხლზე 2 წუთით, შემდეგ გადაიტანეთ თეფშზე ცოტა კარაქი დაამატეთ ტაფაში და შებრაწეთ ხახვი გაოქროსფერებამდე, 10 წუთი. ხშირად ურიეთ. ჩაამატეთ სოკო და შუშეთ სანამ წვენი არ გაუვა. დაუმატეთ ყაბაყი და კიდევ 5-7 წუთი შუშეთ მოამზადეთ ბეშამელის სოუსი: კარაქში შეწვით ფქვილი გაოქროსფერებამდე, ანუ 2 წუთით. დაასხით რძე და კარგად აურიეთ რომ არ შეიკრას. ნელ ცეცხლზე ადუღეთ 4 წუთი, ხშირად ურიეთ. შეკაზმეთ მარილით, პილპილითა და მუსკატით. აურიეთ სოუსი ქათამთან და ბოსტნეულთან, მოაყარეთ მარილ პილპილი. ქოთანს ან ნებისმიერ ცეცხლგამძლე ერთი ულუფის ზომის ფორმას ამოუსვით კარაქი, ჩაასხით ხორციანი მასა და მოაყარეთ ყველი. ქოთნები შედგით გახურებულ ღუმელში 180 გადუსზე. აცხვეთ სანამ ყველი არ შეიბრაწება, ანუ 15-20 წუთი.

ინგრედიენტები (4ულუფა): 

4 ცალი ქათმის მკერდის ფილე, 

½ ჭიქა მაიონეზი, 

1 ს/კ ახალი ლიმონის წვენი, 

1 ჩ/კ დიჟონის მდოგვი, 

1 ღერო პრასი, 

1 ღერო მწვანე ხახვი, 

მწიკვი ხმელი ქონდარი, 

მწიკვი პილპილი, 

მარილი გემოვნებით.

მომზადების წესი: ქათმის ფილე მოხარშეთ და დააჩოფერეთ პრასი და მწვანე ხახვი დაჭერით წვრილად ყველა ინგრედიენტი აურიეთ ჯამში, თავზე დააფარეთ და შედგით მაცივარში 2 საათით. სუფრაზე მიტანის წინკიდევ ერთხელ ამოურიეთ და გემრიელად მიირთვით!

ინგრედიენტები (4ულუფა): 

12 ცალი ფრთა, 

3 კბილი ნიორი, 

2 სმ ნედლი კოჭა (ჯანჯაფილი), 

½ ჭიქა პომიდვრის წვენი, 

½ ჭიქა კარგი კეტჩუპი, 

¼ ჩ/კ ყავისფერი შაქარი, 

4 ს/კ ღვინის ძმარი, 

¼ ჩ/კ დაფქული ძირა, 

¼ ქარის სუნელი, 

2 ს/კ ზეითუნის ზეთი, 

ტობასკოს სოუსის რამოდენიმე წვეთი, 

მარილი,

ახლად დაფქული პილპილი.

მომზადების წესი: მარინადისთვის წვრილად გახეხეთ ნიორი და კოჭა (ჯანჯაფილი) შაქარი გახსენით ძმარში. აურიეთ ტომატის წვენი და კეტჩუპი, დაუმატეთ შაქრიანი ძმარი და ყვლა ინგრედიენტი ფრთების გარდა. ტობასკოს რაოდენობა იმის მიხედვით განსაზღვრეთ, რამდენად ცხარე გსურთ გამოვიდეს მარინადი. ჩაასხით მარინადი ჰერმეტულ კონტეინერში ან პაკეტში (ჰერმეტული შესაკრავით), ჩააწყვეთ ფრთები და კარგად აურიეთ, რომ მარინადით მთლიანად დაიფაროს ფრთები. დატოვეთ 1 საათით. გაახურეთ გრილი (ღუმელი 220გრადუსზე) ცხაურს მოუსვით ზეთი სილიკონის ფუნჯით. ამოიღეთ ფრთები მარინადიდან, მოათავსეთ ცხაურზე და აცხვეთ 20-15 წუთი. ხშირად გადააბრუნეთ და წაუსვით მარინადი.

ინგრედიენტები (4ულუფა): 

4 მკერდის ფილე (თითო 200 გრ.), 

200 გრ კარგი ხარისხის კარაქი, 

4-5 ღერო ოხრახუში, 

1 ლიმონის ცედრა, 

1 ჩ/კ ლიმონის წვენი, 

მარილი, 

პილპილი, 

ერბო ან მცენარეული ზეთი. 

შეწვისთვის ამოსავლებად 1,5 ჭიქა სუხარი ან საფანელი, 

2-4 ს/კ ფქვილი, 

2 კვერცხი, 

50 მლ რძე, 

მარილი, 

ახალდაფქული პილპილი.

მომზადების წესი: დაჭერით ოხრახუში წვრილად. დარბილებულ კარაქს შეურიეთ მარილი, ცედრა, ოხრახუში და ლიმონის წვენი. კარაქი 4 ნაწილად გაყავით, გადაახვიეთ საჭმლის შესაფუთ ცელოფანში, ძეხვის ფორმა მიეცით და შედეთ საყინულეში. ყურადღებით დაათვალიერეთ ფილე, თუ მყესები აქვს, მოაშორეთ, რომ კოტლეტმა შეწვისას ფორმა არ დაკარგოს. მოათავსეთ ფილეები შესაფუთ ცელოფნებს შორის და ფრთხილად დაბეგვეთ ცომის საბრტყელებელით, ისე, რომ არ გაიხეს. დაბეგვილ ხორცს მოაყარეთ მარილი და პილპილი. კიდეში მოათავსეთ მწვანილიანი კარაქი, და გადაახვიეთ როგორც ბლინები, ისე, რომ მიიღოთ ყველა მხრიდან დახურული კოტლეტი, რათა შიგთავსმა არ გამოჟონოს. 30 წუთით შედგით მაცივარში ათქვიფეთ ჯამში კვერცხი რძესთან ერთად. ცალკე ჯამში დაყარეთ ფქვილი, და მესამე ჯამში საფანელი. კარგად ამოავლეთ კოტლეტები ფქვილში დაჩამოფერთხეთ ზედმეტი. შემდეგ ამოავლეთ კვერცხში. შემდეგ ამოავლეთ საფანელში, კარგად ყველა მხრიდან, ზედმეტი ჩამოფერთხეთ. თუ კარგად არ მიეკრო საფანელი ხორცს, კიდევ ერთხელ ჩაუშვით კვერცხში და თავიდან ამოავლეთ საფანელში. კოტლეტები ისევ შედეთ მაცივარში 15-20 წუთით. ეს აუცილებელი ნაბიჯია, რათა საფანელი კარგად მიეკრას ფილეს და არ მოცილდეს შეწვისას. გააცხელეთ ქვაბში ზეთი 6-7 სმ-ზე. ჩაუშვით კოტლეტები ნაკეცით ქვემოთ და შეწვით ორივე მხრიდან, სანამ არ გაოქროსფერდება შემწვარი კოტლეტები შედგით 170 გრადუსზე გახურებულ ღუმელში 10 წუთით. მიირთვით მომზადებისთანავე.

ინგრედიენტები (2ულუფა): 

1 ქათამი (1000 გრ), 

4 კბილი ნიორი, 

2 ტოტი როზმარინი (შეგიძლიათ გამოიყენოთ ხმელი როზმარინი), 

1 ლიმონი, 

1 ს/კ ცხარე მდოგვი, 

1 ს/კ ტკბილი მდოგვი, 

2 ს/კ ზეითუნის ზეთი, 

პილპილი,

მარილი. 

მომზადების წესი: ქათამი სირგძეზე გაჭერით ორად. ნიორი დაჭერით თხლად. როზმარინიც 2–2 სმ სიგრძეზე დაჭერით. თითებით, დანის ბლაგვი პირით ან კოვზის ბოლოთი ფრთხილად ააცალეთ კანი ხორცს. როზმარინი და ნიორი თანაბრად გადაანაწილეთ კანქვეშ. ღუმელი გაახურეთ 180 გრადუსზე. ტაფაზე საცხობი ქაღალდი დააფინეთ, ქათმის ნახევრები ზედ დააწყვეთ და მოაყარეთ პილპილ/მარილი. გახეხეთ ლიმონის ცედრა, ხოლო ლიმონი გამოწურეთ. ცედრა და წვენი შეურიეთ ცხარე და ტკბილ მდოგვს, და ზეითუნის ზეთს. მიღებული სოუსი წაუსვით ქათამს გარედან. მოათავსეთ ქათამი ღუმელში, ტემპერატურას დაუწიეთ 160 გრადუსამდე და 45 წუთის განმავლობაში ბრაწეთ.

ინგრედიენტები (4ულუფა): 

1 ქათამი (1300 გრამი), 

1 ფორთოხალი, 

1 ჩ/კ ქინძის თესლი, 

1 ს/კ კარაქი, 

1 ს/კ ზეთი, 

მარილი, 

პილპილი.

მომზადების წესი: გაახურეთ ღუმელი 220 გრადუსზე. გახეხეთ ფორთოხლის ცედრა და გამოწურეთ წვენი. ქინძის თესლი ტაფაზე ოდნავ მოხრაკეთ და წვრილათ დაფქვით. აურიეთ ერთად კარაქი , ზეთი, ქინძი, ფორთოხლის ცედრა და1 ს/კ ფორთოხლის წვენი. გარეცხილი ქათამი, შეაშრეთ და შეაზილეთ მიღებული მასა. მოაყარეთ მარილი და პილპილი. შეგიძლიათ დარჩენილი ფორთოხალი გაჭრათ და შეუტენოთ ქათამს მუცლის ღრუში. ღუმელს დაუწიეთ 200 გრადუსზე, ქათამი გვერდულად მოათავსეთ ცხაურზე და 20 წუთი ბრაწეთ. გადმოაბრუნეთ მეორე გვერდზე და კიდევ 20 წუთით ბრაწეთ. ამის შემდეგ მოათავსეთ მკერდით ზემოთ და კიდევ 20 წუთით დატოვეთ. როცა მომზადდება გამოიღეთ ღუმელიდან, დაასვენეთ 5 წუთით, დაჭერით და მიირთვით ცხელი.

ინგრედიენტები (4ულუფა): 

600 გრ. ქათმის მკერდის ფილე, 

2 ს/კ ფქვილი, 

2 კვერცხი, 

1 ჩ/კ მდოგვი, 

100 გრ. საფანელი, 

3 ს/კ ერბო შესაწვავად, 

მარილი, 

პილპილი, 

არაჟნის სოუსი, 

2 მჟავე კიტრი, 

1 შეკვრა ახალი (მწვანე) ხახვი, 

2 ს/კ კაპარი (მწნილის სახით იყიდება სუპერმარკეტებში), 

ნახევარი ლიმონი, 

200 გრ. არაჟანი, 

მარილი, 

პილპილი. 

მომზადების წესი: მოამზადეთ სოუსი. ამისთვის მჟავე კიტრი, ხახვი და კაპარი დაჭერით წვრილად. ლიმონი ცხელი წყლით გარეცხეთ და ცედრა გახეხეთ. დაუმატეთ არაჟანი, მოაყარეთ მარილი და პილპილი და კარგად ამოურიეთ. შემდეგ ქათმის ფილე ცივი წყლით გარეცხეთ, გააშრეთ და 1 სმ. სისქის ნაჭრებaდ დაჭერით. ერთ თეფშზე აურიეთ ფქვილი, მარილი და პილპილი, მეორე ღრმა თეფშში ათქვიფეთ კვერცხი მდოგვთან ერთად, ხოლო მესამე თეფშზე დაყარეთ საფანელი. ქათმის ნაჭრები ჯერ ფქვილში ამოავლეთ, შემდეგ კვერცხში და შემდეგ საფანელში. ტაფაზე გააცხელეთ ერბო და შეწვით ქათმის ნაჭრები საშუალო ცეცხლზე, სანამ გაოქროსფერდება, დაახლოებით 3 წუთით თითო მხრიდან. მზა შნიცელი ამოიღეთ ქაღალდის ხელსახოცზე, რომ ზედმეტი ცხიმი შეაშრეს, და მიიტანეთ სუფრასთან არაჟნის სოუსთან ერთად.

ინგრედიენტები (2-4ულუფა): 

4 ც ქათმის მკერდის ფილე, 

1 ც ყაბაყი (200 გრ.), 

1 ც ლიმონი, 

8 ტოტი ბეგქონდარა (შეგიძლიათ ჩაანაცვლოთ ქონდრით), 

2 ს/კ ფიჭვის თესლი (შეგიძლიათ ჩაანაცვლოთ ნუშით), 

1 ს/კ კარაქი, 

2 ს/კ ზეითუნის ზეთი, 

მარილი, 

პილპილი.

მომზადების წესი: წვრილად დაჭრილ ყაბაყს დააყარეთ 1 ჩ/კ მარილი და 10 წუთით დააყონვეთ, რომ წვენი გაუვიდეს.  ქათმის ფილეს მოაყარეთ მარილი და პილპილი.   გახეხეთ ლიმონის ცედრა. ქონდრის/ბეგქონდარას ფოთლები წვრილად დაჭერით.   ყაბაყი გაწურეთ, შეურიეთ ცედრა, ქონდარი/ბეგქონდარა, ფიჭვის თესლი/ნუში, პილპილი და მარილი.   ღუმელი წინასწარ გაახურეთ 180 გრადუსზე.ტაფაზე გაადნეთ კარაქი და 1 კოვზი ზეითუნის ზეთი და ქათმის ფილეები შებრაწეთ თითო მხარეს თითოწუთის განმავლობაში. შემდეგ ნაჭრებზე ყაბაყის ნაზავი კარგად გადაანაწილეთ. დარჩენილი ზეთი ზემოდან მოასხით და 20 წუთით შედეთ ცხელღუმელში, სანამ ხორცს გვერდები არ გაუყავისფერდება. 

ინგრედიენტები (4ულუფა): 

1 ქათამი (1.3 კგ), 

150 გრ შებოლილი შაშხი, 

4 ტოტი ბეგქონდარა (შეგიძლიათ ჩაანაცვლოთ ქონდრით), 

2 ფოთოლი დაფნა, 

1 ს/კ ზეთი, 

3 ს/კკარაქი, 

2 ს/კ ფქვილი, 

0.5 ლ. წითელი ღვინო, 

200 გრ.ქამა სოკო, 

200 გრ. ხახვი, 

„შალოტი (შეგიძლიათ ჩაანაცვლოთ წითელი ხახვით), 

მეოთხედი კონა ოხრახუში, 

მარილი,

პილპილი. 

მომზადების წესი: ქათამი დაანაწევრეთ, ცივი წყალი გადაავლეთ და შეაშრეთ. მოაყარეთ მარილი და პილპილი. შაშხი დაჭერით წვრილად. მწვანილები გარეცხეთ ცივ წყალში. ზეთი და 1 კოვზი კარაქი გააცხელეთ კასეროლში. დაყარეთ შაშხი და ოდნავ მობრაწეთ. შაშხი ამოიღეთ და ქათმის ნაჭრები რიგ–რიგობით შებრაწეთ და ამოიღეთ. დარჩენილ ცხიმში ჩაყარეთ ფქვილი და ოდნავ შეწვით. დაუმატეთ ღვინო და წამოადუღეთ. შემდეგ ჩააწყვეთ ქათმის ნაჭრები დაუმატეთ დაფნა და ბეგქონდარა/ქონდარი და 25 წუთით დაბალ ცეცხლზე შუშეთ. გაასუფთავეთ ხახვი. გაწმინდეთ სოკო. დარჩენილი კარაქი ტაფაზე გაადნეთ და მობრაწეთ სოკო ხახვთან ერთად 2–3 წუთით. შემდეგ დაუწიეთ ცეცხლს მინიმუმზე და 10 წუთი შუშეთ. დაუმატეთ შაშხი კარგად ამოურიეთ და ეს ყველაფერი დაუმატეთ ქათამს კასეროლში. შუშეთ დამატებით 25 წუთი. ბოლოს მოაყარეთ ოხრახუში.

ინგრედიენტები (6 ულუფა): 

1 კგ ქათმის ღვიძლი, 

3 დიდი ხახვი, 

5-6 სუფრის კოვზი ქათმის ცხიმი (ან ერბო), 

1 ჩ/კ თხევადი თაფლი, 

100 მლ კარგი პორტვეინი ან სხვა მაგარი(დასპირტული) ღვინო,მწიკვი

გახეხილი მუსკატის მარცვალი, 

მარილი, 

შავი და თეთრი პილპილი,

 ტოსტი ან ბაგეტი სუფრასთნ მისატანად.

მომზადების წესი (მომზადება დაიწყეთ 13 საათით ადრე):  ღვიძლს გააცალეთ შემაერთებელი ქსოვილი, რომელიც მის ორ ნაწილს აერთებს. კარგად შეაშრეთ ქაღალდის ხელსახოცზე.   გაასუფთავეთ და ძალიან წვრილად დაჭერით ხახვი. ნახევარი ცხიმი გაადნეთ ტაფაზე და მოშუშეთ ხახვი ნელ ცეცხლზე, ონდავ გაოქროსფერებამდე, ისე, რომ არ დაგეწვათ. დაახლოებით 15 წუთის მანძილზე.   დანარჩენი ცხიმი გააცხელეთ სქელძირიან ქვაბში და შეწვით ღვიძლი ნაწილ-ნაწილ, ისე, რომ ყველა გვერდი მსუბუქად გაუყავისფრდეს (შიგნიდან უმი უნდა დარჩეს). შემწვარიღვიძლები გადაიტანეთ თბილ თეფშზე და შეწვით შემდეგი პარტია. შეწვისას ფრთხილად იყავით: ღვიძლი მაღალ ტემპერატურაზე სკდება და წვენი ცხიმთან ერთად შიშხინსიწყებს, ამიტომ წვის დროს ეცადეთ ქვაბს თავზე დააფაროთ სპეციალური ბადე თავსახური ან უბრალოდ ფოლგა.   როცა ღვიძლს მთლიანად შეწვავთ, ჩააბრუნეთ ქვაბშითავისივე წვენთან ერთად, დაუმატეთ პორტვეინი და შუშეთ 2 წუთით.   დაუმატეთ მოშუშული ხახვი, თაფლი, მუსკატი, მარილი და პილპილი, კარგად ამოურიეთ და შუშეთ 3-4 წუთი ყველაზე დაბალ ცეცხლზე. გამორთეთ ცეცხლი და დააცადეთ კერძს 30 წუთი, რომ ქვაბშივე გაგრილდეს.   ათქვიფეთ პაშტეტი ბლენდერით ან სამზარეულოს კომბაინშითქვენთვის სასურველ კონსისტენციამდე.   გადაიტანეთ პაშტეტი შესანახ კონტეინერშიდა 12 საათით შედგით მაცივარში. სუფრასთან მიიტანეთ ცივი პაშტეტი ცხელ ტოსტის პურთან ან ბაგეტთან ერთად. 

ინგრედიენტები (2ულუფა):

2 ცალი მკერდის ფილე, 

1 პატარა ხახვი, 

3-4 სმ კოჭა (ჯანჯაფილი), 

4 მარცვალი შავი პილპილი, 

მარილი, 

გოგრის სოუსი, 

300 გრამი გოგრა, 

1 ხახვი შალოტი, 

1 კბილი ნიორი, 

2 სმ კოჭა(ჯანჯაფილი), 

როზმარინის მცირე ღერო, 

50 მლ. მაღალცხიმიანი ნაღები,

კარაქი 50 მლ.,  

მშრალი თეთრი ღვინო, 

ცხარე წითელი წიწაკა, 

მარილი. 

მომზადების წესი: გაასუფთავეთ გოგრა, ხახვი და ნიორი. გოგრა და ხახვი კუბებად დაჭერით, ნიორი დაჭყლიტეთ კარაქი გააცხელეთ ტაფაზე და შებრაწეთ ხახვი, საშუალო ცეცხლზე 3 წუთით. დაუმატეთ გოგრა, ნიორი, როზმარინი, კოჭა(ჯანჯაფილი) და ცხარე წიწაკა.ამოურიეთ და შუშეთ 5-7 წუთი შემდეგ დაასხით ღვინო, მოაყარეთ მარილი, დაუწიეთ ცეცხლს მინიმუმამდე, თავზე დააფარეთ და შუშეთ 10 წუთი ამოიღეთ როზმარინის ღერო და გათქვიფეთ გოგრის მასა ნაღებთან ერთად ბლენდერში შალოტი ხახვი გაყავით 4 ნაწილად, კოჭა გაასუფთავეთ და მსხვილად დაჭერით ქათმის ფილეს მოაყარეთ მარილი, ჩადეთ ქვაბში და დაასხით მდუღარე წყალი ისე, რომ დაფაროს. საშუალო ცეცხლზე მიიყვანეთ ადუღებამდე. როგორც კი ადუღდება ქაფი მოხადეთ, დაუმატეთ ხახვი შალოტი, კოჭა და შავი პილპილის მარცლები. დაახურეთ ქვაბს თავზე და მინიმალურ ცეცხლზე ხარშეთ 2 წუთი. გადმოდგით ქვაბი ცეცხლიდან და დატოვეთ 15 წუთი, თავსახური არ მოხადოთ. ამოიღეთ ფილე ბულიონიდან და მაშინვე ჩადეთ ყინულიანი წყლით სავსე ჯამში. როცა გაცივდება ამოიღეთ, შეაშრეთ და დაჭერით თხელ ნაჭრებად. მიირთვით გოგრის სოუსთან ერთად!

ინგრედიენტები (4-6ულუფა): 

1 ქათამი 2 კგ, 

200 მლ შავი ლუდი, 

1 ს/კ მუქი თაფლი, 

1 ს/კ მდოგვი, 

5-6 კბილი ნიორი, 

1 ს/კ როზმარინის ფოთლები ან 1 ჩ/კ ქინძი, 

1 ს/კ ზეითუნის ზეთი ექსტრა ვირჯინი, 

მარილი, 

ახლად დაფქული შავი პილპილი. 

მომზადების წესი: მოამზადეთ ნახევარლიტრიანი შუშის ბოთლი განიერი ყელით (თუ ასეთი არ გაქვთ გამოიყენეთ ჩვეულებრივი ლუდის ბოთლი). საგულდაგულოდ გარეცხეთ ბოთლი, სრულიად მოაცილეთ ეტიკეტი და წებო. 

ჩაასხით ბოთლში ლუდი. ჩაყარეთ ნიორი და როზმარინი. აურიეთ ერთად მდოგვი, თაფლი, ზეითუნის ზეთი, მარილი და პილპილი. წაუსვით ქათამს შიგნიდანაც და გარედანაც. მკერდთან გაჭერით კანი და ფრთები ჩაუდეთ ჯიბეებში დასვით ქათამი ბოთლზე. ღუმელში შედგით ღრმა ფორმა, მასზე მოათავსეთ ბოთლი ქათმით. ფორმაში ცოტა წყალი ჩაასხით, რომ ქათმისგან გამოსული ცხიმი არ მიეკრას და არ დაიწვას. ჩართეთ ღუმელი 180 გრადუსზე, როცა გაცხელდება აუწიეთ 200 გრადუსამდე და შებრაწეთ ქათამი 20-25 წუთით. შემდეგ დაუწიეთ 160 გრადუსამდე და კიდევ 40 წუთი წვით. მომზადებული ქათამი გამოიღეთ ღუმლიდან, ფრთხილად გამოაცალეთ ბოთლი და დაჭერით ულუფებად.

ინგრედიენტები (4-6ულუფა): 

1 ქათამი 1.2 - 1.5 კგ, 

2 დიდი ლიმონი, 

3 ღერო როზმარინი, 

10 ფოთოლი შალფეი (მშრალი ფოთლები შეგიძლიათ ნებისმიერ აფთიაქში შეიძინოთ), 

3 ფოთოლი დაფნა, 

ზეითუნის ზეთი ექსტრა ვირჯინი ნივრიანი საკმაზისთვის, 

5 დიდი კბილი ნიორი, 

7 ღერო ბეგქონდარა (შეგიძლიათ ჩაანაცვლოთ ქონდრით), 

1 ლიმონის ცედრა, მსხვილი მარილი, 

1.5-2 ს/კ ზეითუნის ზეთი ექსტრა ვირჯინი. 

მომზადების წესი: გაასუფთავეთ ნიორი. გახეხეთ 1 ლიმონის ცედრა. როზმარინს გააცალეთ ღერო. ლიმონი დაჭერით მრგვალად. მოამზადეთ ნივრის საკმაზი. ამისთვის დანაყეთ ნიორი მარილთან ერთად. წყვეთ-წვეთობით ჩაამატეთ სანაყში ზეითუნის ზეთი, თან გააგრძელეთ ნაყვა რომ მიიღოთ ფაფისებური მასა. დაუმატეთ ბეგქონდარას ფოთლები,და ცედრა და ამოურიეთ. ქათამს ააცილეთ კანი ფრთხილად ხელით ან დანის ბლაგვი პირით. ნივრის საკმაზი კანქვეშ წაუსვით, შემდეგ შიგნიდანაც ამოუსვით და დატოვეთ ქათამი 30 წუთით გაახურეთ ღუმელი 180 გრადუსზე ქათამს გადაუსვით ზეითუნის ზეთი, მოათავსეთ შესაწვავ ფორმაში, ზემოდან დაადეთ შალფეის ფოთლები, როზმარინი და ლიმონის რგოლები. ჩაუდეთ დაფნის ფოთლები. შეწვით ქათამი დაახლოებით 90 წუთი, სანამ ბოლომდე არ მომზადდება.

ინგრედიენტები (6-8ულუფა): 

1 ქათამი 1.5 – 1.8 კგ, 

400 გრ. ქამა სოკო, 

6 საშუალო პომიდორი, 

1 დიდი ხახვი, 100 გრ. ზეთისხილი, 

1-2 კბილი ნიორი, 

150 მლ მშრალი თეთრი ღვინო, 

ზეითუნის ზეთი ექსტრა ვირჯინი, 

ერთი კონა როზმარინის ფოთლები, 

1 ს/კ მშრალი ბეგქონდარა, (შეგიძლიათ ჩაანაცვლოთ ქონდრით), 

½ ჩ/კ ცერეცოს/კამის თესლი, 

მარილი, 

ახლად დაფქული შავი პილპილი. 

მომზადების წესი: დაჭერით ქათამი ულუფებად პომიდორი დასერეთ ჯვარედინად და 1 წუთით ჩადეთ მდუღარეში, შემდეგ გადაავლეთ ცივი წყალი. მოაცალეთ კანი და ამოაცალეთ შიგთავსი, დაჭერით კუბებად. გაასუფთავეთ ხახვი და დაჭერით ალყა-ალყა ან ნახევარწრეებად. ნიორი გაასუფთავეთ და დაჭყლიტეთ. ქამა სოკო გარეცხეთ, შეაშრეთ ხელსახოცით და დაჭერით თხელ ნაჭრებად. ღრმა ქვაბში გააცხელეთ ზეთი, შეწვით ქათმის ნაჭრები საშუალო ცეცხლზე გაყავისფრებამდე. გადმოიღეთ თეფშზე და დროებით გვერდზე გადადეთ. იმავე ქვაბში დარჩენილ ზეთში შეწვით ხახვი, ნიორი და ცერეცოს თესლი საშუალო ცეცხლზე. ხახვი რომ შეყავისფრდება დაუმატეთ პომიდორი. დაუწიეთ ცეცხლს მინიმუმამდე და შუშეთ 5-7 წუთი. შეაზავეთ მარილით და პილპილით ჩაასხით ქვაბში ღვინო და 100 მლ წყალი, ჩაალაგეთ ქათმის ნაჭრები, დააფარეთ თავსახური და შუშეთ საშუალო ცეცხლზე 15 წუთი. შემდეგ დაამტეთ ზეთისხილი და როზმარინი , დაუწიეთ მინიმუმამდე ცეცხლს და შუშეთ თავდახურული 10-15 წუთი დაუმატეთ სოკო, კარგად ამოურიეთ და შუშეთ კიდევ 3-5 წუთი. გადმოდგით ქვაბი ცეცხლიდან და მოაყარეთ ბეგქონდარა.

ინგრედიენტები (6 ულუფა):

1 ქათამი - 1.5- 1.8 კგ, 

1 დიდი თავი ხახვი,

3 ცალი საშუალო წითელი ტკბილი წიწაკა, 

3 ცალი საშუალო პომიდორი, 

1 კონა ოხრახუში, 

400 გრამი მაღალი ხარისხის ცხიმიანი არაჟანი, 

2-3 ს/კ კარაქი, 

2 ს/კ ფქვილი, 

2 ს/კ დაფქვილი ტკბილი პაპრიკა, 

მწიკვი დაფქული ცხარე წითელი წიწაკა, 

მარილი გემოვნებით, 

მოხარშული ბრინჯი, ან კარტოფილი გარნირად. 

მომზადების წესი: დაანაწევრეთ ქათამი პორციებად ხახვი გაასუფთავეთ და წვრილად დაჭერით. ტკბილ წიწაკას გამოაცალეთ თესლი, დაჭერით მოგრძო ჩხირებად, პომიდორი დაჭერით მრგვალად. ოხრახუში დაჭერით წვრილად სოუსის ქვაბში გააცხელეთ ცხიმი, შებრაწეთ ხახვი საშუალო ცეცხლე გაოქროსფერებამდე. დაუმატეთ ხახვს ქათმის ნაჭრები, აუწიეთ ცეცხლს და ოდნავ შებრაწეთ ქათამი. დაუწიეთ ცეცხლს მინიმუმამდე, მოაყარეთ პაპრიკას ფხვნილი, ამოურიეთ. შემდეგ დაამატეთ ნახევარი ჭიქა წყალი ან ბულიონი და მოაყარეთ მარილი. დააფარეთ თავზე და შუშეთ 10 წუთი. დაუმატეთ ქვაბში ტკბილი წიწაკა და პომიდორი, ამოურიეთ და შუშეთ კიდევ 10 წუთი არაჟანში კარგად აურიეთ ფქვილი. ამისთვის არაჟანში ნელნელა ჩაყარეთ ფქვილი და გამუდმებით თქვიფეთ ჩანგლით ან სათქვეფით დაუმატეთ არაჟანი ხორცს. კარგად ამოურიეთ, და მინიმალურ ცეცხლზე კიდევ 5 წუთი შუშეთ. ხორცი რომ მომზადდება ჩააყარეთ დაფქული წითელი წიწაკა კერძი გააფორმეთ ოხრახუშის ფოთლებით და სუფრასთან მიიტანეთ ბრინჯის, ან კარტოფილის გარნირთან ერთად.

ინგრედიენტები (6 ულუფა): 

4 ცალი მოხარშული ქათმის ბარკალი, 

2 თავი რომაული სალათის ფურცელი, 

რამდენიმე ფურცელი რადიჩიო, 

50 გრამი ყველი პარმეზანი, (დღეს უკვე სალათის ფურცლების მრავალფეროვანი არჩევანია, შეგიძლიათ ცადოთ სხვა ვარიანტებიც),

კრუტონებისთვის 250 გრამი თეთრი პური,

1 კბილი ნიორი, 

2 ს/კ ზეითუნის ზეთი ექსტრა ვირჯინი სოუსისთვის, 

50 გრამი ყველი პარმეზანი, 

2 ს/კ 20-30%-იანი არაჟანი, 

1 ს/კ კაპარი, (კაპარის მწნილი იყიდება სუპერმარკეტებში) ნახევარი ლიმონის წვენი, 

½ ჭიქა ზეითუნის ზეთი ექსტრა ვირჯინი, 

მარილი,

ახლად დაფქული შავი წიწაკა.

მომზადების წესი: მოამზადეთ კრუტონები. გაასუფთავეთ ნიორი, დაჭყლიტეთ და აურიეთ ზეითუნის ზეთში. დააყოვნეთ 15 წუთით. გაახურეთ ღუმელი 180 გრადუსზე. პურს მოაჭერით კანი. დაჭერით 1 სმ-იან კუბებად. დააწყვეთ კუბები ღუმელის ტაფაზე, მოასხით ნივრიანი ზეთი, აურიეთ და შედეთ გახურებულ ღუმელში. აცხვეთ კრუტონები გაყავისფერებამდე, დაახლოებით 10 წუთი მოამზადეთ სოუსი - გარეცხეთ კაპარები ცივ წყალში და დაწურეთ. წვრილად გახეხეთ პარმეზანი კაპარები დაჭყლიტეთ სანაყში მარილთან და წიწაკასთან ერთად, დაუმატეთ ზეითუნის ზეთი და პარმეზანი. დანაყეთ სანამ ერთგვაროვან მასას არ მიიღებთ. შემდეგ დაუმატეთ ლიმონის წვენი, არაჟანი, და კიდევ ერთხელ კარგად ამოურიეთ. ქათმის ბარკლებს გააცალეთ კანი და ძვლები. დაჭერით მომცრო ნაჭრებად. სალათის ფურცლები და რადიჩიო ხელით მსხვილად დაანაწევრეთ დიდ ჯამში მოათავსეთ სალათის ფურცლები, დააწყვეთ ქათამი და მოასხით სოუსი. ფრთხილად ამოურიეთ დარჩენილი პარმეზანი თხელ ნაჭრებად დაჭერით. მოათავსეთ სალათზე პარმეზანის ფურცლები და კრუტონები. სუფრასთან მაშინვე მიიტანეთ, სხვაგვარად სალათის ფურცლები მალე დაჭკნება და სალათი დაკარგავს მიმზიდველობას.

ინგრედიენტები (4-6 ულუფა):

ბულიონისთვის ქათმის კისერი - 4 ცალი,

(დამატებით) ქათმის ზურგი - 2 ცალი ხახვი,

60 გრ სტაფილო,  

60 გრ ნიახურის ღერო, 

20 გრ მარილი - გემოვნებით,

1 ცალი მოხარშული ქათმის ფილე (400-500 გრ.),

1/3 ჭიქა საშუალო სიგრძის ბრინჯი, 

250 გრამი სქელი ნატურალური იოგურტი, ან მაწონი, 

4 კვერცხის გული, 

4 სუფრის კოვზი ნაღების კარაქი, 

6 სუფრის კოვზი ფქვილი, 

მარილი გემოვნებით, 

ცხარე მოსართავი, 

2 კბილი ნიორი, 

1 ჩ/კ დაფქული ცხარე წითელი წიწაკა, 

3 ს/კ ზეითუნის ზეთი ექსტრა ვირჯინი. 

მომზადების წესი: თავდაპირველად მოამზადეთ ბულიონი. 2.5 ლიტრ წყალში მოხარშეთ ქათმის ზურგი, ქათმის კისერი, ოთხ ნაწილად გაჭრილი ხახვი, ასევე ოთხად გაჭრილ სტაფილო და ნიახურის ღეროები. გემოვნებით დაუმატოთ მარილი. ხარშეთ 1 საათი. გადაწურეთ, სუფისთვის დაგჭირდებათ 1,5 ლიტრი ბულიონი. გადაწურულ ბულიონში ჩაუმატეთ გარეცხილი ბრინჯი და ხარშეთ საშუალო ცეცხლზე დაახლოებით 25 წუთი, სანამ ბრინჯი მომზადდება. ცალკე მომცროდ დაჭერით და მოხარშეთ ქათმის ფილე, და დაუმატეთ ბრინჯიან ბულიონს. ათქვიფეთ სუპი ბლენდერით სანამ არ მიიღებთ ერთგვაროვან მასას. კრემ-სუპი დააბრუნეთ ქურაზე, მინიმალურ ცეცხლზე კვერცხის გულები გათქვიფეთ იოგურტთან და ფქვილთან ერთად. დაუმატეთ 1-2 სუფრის კოვზი ბულიონი ან წყალი, რომ მიიღოთ არაჟნის კონსისტენციის მასა. მიღებული მასა გაწურეთ საცერში და ჩაამატეთ სუპში თან მუდმივად ურიეთ. ამის შემდგომ დაახურეთ ქვაბს თავზე და კიდევ 10-15 წუთი ხარშეთ. შემდეგ გადმოდგით სუპი ცეცხლიდან. მოსართავისთვის გაასუფთავეთ და დაჭყლიტეთ ნიორი. გააცხელეთ ქვაბში ზეითუნის ზეთი და დაუმატეთ ნიორი და წიწაკა. მოურიეთ და 1 წუთის შემდეგ გადმოდგით ცეცხლიდან. მზა სუპში ჩაუმატეთ მოსართავი, გაუწყვეთ მარილი და მიირთვით მაშინვე.

ინგრედიენტები (10ულუფა) - მომზადება დაიწყეთ 4 საათით ადრე: 

8 ცალი მთლიანი ბარკალი (ძვალ და კან გაცლილი), 

200 გრამი ქათმის ცხიმი, 

1 კგ საშუალო სიგრძის ბრინჯი, 

1 კგ წვნიანი სტაფილო, 

3 საშუალო ხახვი, 

3-4 თავი ნიორი დიდი მუჭა მუქი ქიშმიში, 

თითო ჩ/კ დაფქული პაპრიკა, 

ძირა, 

ქინძი,

1 ს/კ კოწახური,

მარილი (გემოვნებით). 

მომზადების წესი: ქათმის ბარკლის ფილე დაჭერით 5-6 ნაწილად, დაამარილეთ ყველა მხრიდან, შეფუთეთ საჭმლის შესაფუთი ლენტით და შედეთ მაცივარში 3 საათით. ასე ხორცი შეინარჩუნებს წვენს ფლოვში ბრინჯი რაც შეიძლება კარგად გარეცხეთ, და დაასხით ოთახის ტემპერატურის ბოთლის წყალი ისე, რომ ორი თითის სიმაღლეზე დაფაროს ბრინჯი. კარგად დაამარილეთ და დატოვეთ 3 საათით. ამავდროულად ცივ წყალში ჩაალბეთ ქიშმიში. გაასუფთავეთ ხახვი და სტაფილო. ხახვი დაჭერით ნახევარწრიულად. სტაფილო წვრილად დაჭერით (მხოლოდ არ გახეხოთ!) წვრილად დაჭერით ცხიმი, და ქვაბში გააცხელეთ გაყავისფერებამდე ცხიმში ჩააყარეთ ხახვი და შებრაწეთ გაყვითლებამდე. მოუმატეთ ცეცხლს ჩაყარეთ ქათმის ხორცი და შებრაწეთ ყველა მხრიდან. ჩაამატეთ ქვაბში სტაფილო, ფრთხილად ამოურიეთ. ჩაყარეთ ნახევარი ძირა, მთლიანად ქინძი, პაპრიკა, კოწახური და მარილი. ჩაასხით 1.25 ლიტრი მდუღარე წყალი. შუშეთ საშუალო ცეცხლზე თავდაუხურავი 30 წუთი. ბრინჯს გადაუწურეთ წყალი, დაუმატეთ ქვაბში და ჩააწყვეთ მთლიანი ნივრის თავები (მხოლოდ ქვედა ნაწილი მოაჭერით ნიორს) და ამოურიეთ. დაუმატეთ მდუღარე წყალი საწურით, სითხემ ოდნავ უნდა დაფაროს ბრინჯი. მაქსიმალურ ცეცხლზე მიიყვანეთ დუღილამდე ადუღებამდე, ჩაუმატეთ დარჩენილი ძირა, კარგად დააფარეთ თავსახური და ჩაუწიეთ ცეცხლს მინიმუმამდე. შუშეთ 20 წუთი, წყალი უნდა ამოშრეს. ქიშმიში საწურზე დაწრიტეთ, და ჩააყარეთ ფლოვს. დააფარეთ თავსაფარი ქვაბს და გადმოდგით ცეცხლიდან. ქვაბი შეახვიეთ გაზეთში, შემდეგ გაახვიეთ პლედში, თავზე დაადეთ ბალიში და დატოვეთ 30 წუთით. სუფრასთან მიტანამდე ფრთხილად ამოურიეთ, ცხელი გადმოიღეთ თბილ თეფშზე, ზემოდან მოათავსეთ ნივრის თავები.

ინგრედიენტები (6 ულუფა): 

1.5 კგ საბულიონე ნაკრები (კისერი, ზურგი, შეგიძლიათ ფრთებიც გამოიყენოთ): 

1 საშუალო ზომის ხახვი, 

1 საშუალო ღერო პრასი, 

1 მოზრდილი სტაფილო, 

1 საშუალო ძირი ოხრახუში ,

1 საშუალო ნიახურის ღერო, 

2-5 მარცვალი შავი წიწაკა, 

მარილი (გემოვნებით).

მომზადების წესი: საბულიონე ნაკრები მოათავსეთ ქვაბში, დაასხით 3 ლიტრი ცივი წყალი და საშუალო ცეცხლზე მიიყვანეთ ადუღებამდე. სტაფილო და ოხრახუშის ძირი გაასუფთავეთ და მსხივალდ დაჭერით. ხახვი გაფრცქვენით და ოთხად გაჭერით. პრასი შუაზე გაჭერით, კარგად გარეცხეთ გამდინარე წყალში და მსხვილად დაჭერით. როგორც კი ადუღდება ბულიონი ცეცხლს დაუწიეთ მინიმუმამდე და მოხადეთ ქაფი ქაფქირით ან ნახვრეტებიანი კოვზით. დაუმატეთ ხახვი, სტაფილო, ოხრახუშის ძირი და პრასი. ხარშეთ ბულიონი მინიმალურ ცეცხლზე 2-2.5 საათი. თავსახურს მჭიდროდ ნუ დააფარებთ, ნუ ადუღებთ ძალიან აქტიურად, დროდადრო მოხადეთ ქაფი. მომზადებამდე 30 წუთით ადრე დაუმატეთ ნიახურიდა წიწაკის მთლიანი მარცვლები. მზა ბულიონი გადაწურეთ წვრილ საწურზე. თუ ბულიონის მირთმევას მაშინვე გეგმავთ, დაამარილეთ მომზადებამდე რამდენიმე წუთით ადრე.